وەزیری درەوەی ئێران بەرەو ئیرەوان کەوتە ڕێ
تشرینی دووه‌م 28, 2017 09:55 Asia/Tehran
وەزیری دەرەوەی کۆماری ئیسلامی ئێران لە سەرووی شاندێکی سیاسی ئابووری بەرەو ئیرەوانی پێتەختی ئەرمەنستان کەوتە ڕێ .
بە گوێرەی ڕاپۆڕتی ئیدارەی گشتیی دیپلۆماسی مێدیایی وەزارەتی دەرەوە " موحەمەد جەواد زەریف وەزیری دەرەوەی ئێران کە بە بانگهێشتی " ئیدوارد نەعلبەندیان " وەزیری دەرەوەی ئەرمەنستان سەرلە بەیانی ئەمڕۆ سێشەمە چووەتە ئیرەوان لەو سەفەرەدا لە گەڵ سەرۆک کۆمار و سەرۆک وەزیرانی ئەرمەنستان دیدار و سەبارەت بە ڕێگاکانی پەرەی پەیوەندیەکانی دوو لایەنە و پرسەکانی دیکە وتووێژ دەکات . بە وتەی بەهرام قاسمی وتەبێژی وەزارەتی دەرەوەی ئێران ، شاندێک لە بازەرگانەکانی بەشی تایبەتیی لە سەفەر بۆ ئەرمەنستان هاوڕێیەتی زەریف دەکەن .
