سەرۆکی کۆماری ئیسلامیی ئێران بەئاماژە بەوەی کە بانگەشەی لاگریی ئەمریکا لە خەڵکی ئێران، بەتەواوەتی ئیدیعایەکی پووچ و مونافقانەیە، پێی داگرت: زۆربەی وڵاتانی جیهان نەیاری سیاسەتی یەکلایەنخوازانەی ئەمریکان و ناچنەژێر باری فەرمانی سەپێندراو لەلایەن ئەو وڵاتەوە.

بەپێی ڕاپۆری ئەمڕۆ شەممەی هەواڵدەریی ئیرنا، "حەسەن ڕۆحانی" لەوتارێکدا لە ڕۆژنامەی واشنگتۆن پۆست بەئاماژە بەچوونەدەری ئەمریکا لەڕێککەوتنی ئەتۆمی لەهەشتی مای٢٠١٨دا وتی: پێش بینی ئەمریکا ئەوە بوو کە پاش چوونەدەر لە ڕێککەوتنی ئەتۆمی(هەنگاوی هاوبەش)، ئێرانیش دەچێتەدەر و بەئاسانی دەتوانێ هاوپەیمانییەکی جیهانی لەدژ ئێران پێک بێنێ و هەموو ئابلۆقەکان بگەڕێنێتەوە بەڵام هەوڵی ئێران لەڕەخساندنی دەرفەتێکی بەرتەسک بە ئوروپا، مامەڵەکانی ئەمریکای تێکدا.

رۆحانی بەئاماژە بەوەی کە وتووێژەکانی ئێران و باقی ئەندامانی ڕێککەوتنی ئەتۆمی وپێداگرییان لەسەر پاراستنی ئەو ڕێککەوتنە، ئەمریکای تەریک خستەوە، وتی: ڕەنگە کەم پێش هاتبێ کە لەسەر بابەتێک، تابەوڕادە ناکۆکی کەوتبێتە نێوان ئەمریکاو هاوبەشە ئوروپییەکانی و ئەوەش، ئاکامی هەڵوێست گرتنی بەهەقی ئێران لەمەڕ پرسی ناڤۆکییە.

سەرۆکی کۆماری ئیسلامیی ئێران بەپێداگری لەسەر ئەوەی کە سیاسەتی دەرەکیی حکومەتی ئەمریکا لەهەمبەر ئێران بەگوێرەی ڕاستییەکانی بەردەم ئامادە نەکراوە، وتی: وەرگرتنی زانیاریی ناڕاست لەبارەی ئێران لەمەڕ گرووپە ڕەشەکوژەکان و رژیمی زایۆنی و شیکاریی ناکارناسانەو ناڕوون لەبارەی گۆڕانکارییەکانی ئێران، کاربەدەستانی ئەمریکای تووشی وەها وەهمێک کردووە کە هەست دەکەن دەتوانن بەئامرازی ئابلۆقە لە ئێران ئیمتیاز وەربگرن.

رۆحانی پێی داگرت: گەلی ئێران سەلماندوویەتی کە لەهەمبەر زەخت و گوشاری دەرەکی یەکڕیز و یەکگرتووتر بووەو خۆڕاگریی زیاتر لەخۆ پێشان دەداو هەر بەوجۆرەی لە سەردەمی پێش ڕێککەوتنی ئەتۆمیش ئەمریکا نەیتوانی بە ئابلۆقە قورسەکانم خەڵکی ئێران ماندوو بکا، ئەمجارەش ئەمریکا ناچار دەبێ ڕەوتی خۆی بگۆڕێ.