بەڕێوەبەری ڕێگەی ئاسنی ئێران و جێگری بەرپرسی ڕێگەی ئاسنی ڕووسیا ، بوارەکانی پەرەی هاوکاری دوو وڵاتیان بۆ جێ بەجێ کردنی گەڵاڵەی هێڵی ئاسن تاوتوێ کرد .

بەپێی ڕاپۆرتی ڕۆژی چوارشەممە ی هە واڵدەریی ڕادیۆتەلەفزیون، سەعید رەسوولی بەڕێوەبەری  ڕێگەی ئاسنی ئێران لە چاوپێکەوتن لەگەڵ  ئەلکساندر میشارین، قایم مەقامی سە رۆکی ڕێگەی ئاسنی ڕووسیا لە تاران، وێڕای پێداگری لەسەر پەرەی هاوکارییەکانی دوو وڵات لە پیشەسازی گەیاندن و گواستنەوەی هێڵی ئاسن، وتی : ئێران بۆ گەشەی ژێرخانەکانی پیشەسازی گەیاندن و گواستنەوە، گرینگایەتی زۆر دادەنێت.

ئەلکساندر میشارینیش لەم دیدارەدا وێڕای ڕاگەیاندنی ئەمەی  توانایی زۆر بۆ گەشەی هاوکاری هێڵی ئاسنی نێوان ئێران و ڕوسیا لە ئارادایە ، وتیشی: تارن و مۆسکۆ دەتوانن ئاستی هاوکارییەکانیان هەتا پێنج میلیار یۆرۆ پەرەپێ بدەن.