سەرۆکی ھێزی دادی ئێران ، تیرۆری سەرۆکی ڕێکخراوەی توێژینەوەو داھێنانی وەزارەتی بەرەڤانی و پشتیوانیی ھێزە چەکدارەکانی کۆماری ئیسلامیی ئێرانی ئیدانەکردو ئەم کارەساتەی لە گەلی ئێران سەرەخۆشیی کرد.

بە پێی ڕاپۆرتی ئیرنا، لە پەیامەکەی «سەیید ئیبراھیمی ڕەئیسی» سەرۆکی ھێزی دادی ئێراندا ھاتووە: جارێکی تر دەستی دڕندەکاری خۆفرۆشان و بەکرێگیراوانی سەربە بیانی و زایونیزمی نێونەتەوەیی بە مەبەستی نەگریسی بەرنگار بوونەوەی پێشکەوتنی زانستیانەی وڵات، سیمایەکی ھەڵکەوتەو بەڕێوەبەرێکی تواناو زانایەکی ئێرانی ئیسلامییان کردە ئامانجی ھێرشی تیرۆریستیی خۆیان و شەھیدیان کرد.

ڕەئیسی جەختی لەوەش کردەوە کە، بە سەرنجدانی ئەمەی کە ڕوودانی وەھا کارەساتگەلێک و لە کیس دانی خەباتکارانی گۆڕەپانی زانست و کردەوە، بۆ ئێرانی ئیسلامی لێکەوتەیەکی پەژارەھێن و قەرەبوو نەکراوەو ھەنگاوێکی دڕندەکارانە دێتە ئەژمارو دووپات بوونەوەیان قەت جێی قەبووڵ نییە، دام و دەزگا ئیتیلاعاتی و ئاسایشتییەکان و سەرچاوەکانی ھاوپەیوەند لە سەریانە، بە زووترین کات و بە بەکارھێنانی ھەموو توانایەکی ئیتیلاعاتی، ھەستن بە ناس کردن و گرتنی ھۆکارە بەکرێگیراوو تاوانکارەکان و تەواوی ڕۆڵگێڕەکانی ئەم تاوانکارییە بە فەرماندەرو فەرمانبەر، گەڵاڵەڕێژو ھاریکارەوە ڕاپێچ و دادگایی بکەن و بە سزای ئەو کردارەیان بگەیەنن.