خەتیب زادە : تۆمەتلێدان و ھەڕەشەی دژی ئێران ئەنجامی نیە
وتەبێژی وەزارەتی دەرەوەی ئێران بە پێداگری لەسەر ئەوەی کە تۆمەت لێدان و ھەڕەشە دژی ئێران ئەنجامێکی نیە گوتی : ئێران ھەنگاوی ئەرێنی بە ھەنگاوی ئەرێنی وڵام ئەداتەوە .
سەعید خەتیب زادە بە ئاماژە بەوەی کە هیچ گۆڕانێک لە سیاسەتی دژە ئێرانی لە لایەن ئەمریکاوە ڕووی نەداوە، وتی: ئەمریکا گەڕانەوەی خۆی بۆ رێککەوتنی ناڤۆکی ڕانەگەیاندووە و ئەورووپییەکانیش درێژە بە پێشیل کردنی بەڵینەکانیان ئەدەن.
ئەو وتیشی: دەوڵەتی نوێی ئەمریکا بەداخەوە بەدوای ئەوەیە ئەو ڕیگایەی کە ترامپ لە ماوەی 4 ساڵدا نەیتوانی بە ئاکامی بگەینێت، بە شیوەی فرەلایەنەی نەرێنی بیپێوێ.
خەتیب زادە وتیشی: ئێمە وڵامی هەموو کارێک ئەدەینەوە. گەر ئاکارێکی جیاواز لە لایەنەکانیتر بینین، وڵامی ئێمەش بەو شێوە دەبێت. لایەنی ئەورووپی دەبێ بزانێت ڕێگای هاوکاری باشتر لە هەموو ڕێگاکانە و زمانی هەڕەشە و تۆمەت لە بەرانبەر ئێران کاریگەری نابێت.
ناوبراو باسی پەسند کردنی بڕیارنامەی ئەنجومەنی حاکمان دژی ئێرانی کرد و ڕایگەیاند: ئەوەی کە ئەمریکا لە ڕێگایەکی هەڵە دایە بۆ هەمووان روونە. دەوڵەتی بایدن سەبارەت بە بەڕێوە بردنی بڕیارەکان دەسپێکێکی خراپی بوو.
ئەو باسی هاوکاری ئێران و ئاژانسی کرد و وتی: هەموو لایەنەکان دەبێ ڕێز لە مەبەستی باشی ئێران بۆ ڕێککەوتن لە گەڵ ئاژانس بگرن و ئەوەش وەکوودەلاقەیەک بۆ گەڕانەوە و بەڕێوە بردنی بەڵێنەکانیان لەبەرچاو بگرن.
وتەبێژی وەزارەتی دەرەوەی ئێران سەبارەت بە سەفەری فواد حسێن بۆ تارانیش وتی: گۆڕانکاریەکانی عێراق و ئاسایشی ناوچەکە و دەورووبەری ئێمە و هەروەها دۆسیەی شەهید بوونی سەردار سولەیمانی لە بابەتەکانی بەرباس لە وتووێژ لە گەڵ فواد حسێن بووە.
