فەرماندەری بنکەی ھاوبەشی بەرگریی ئاسمانیی ئێران وتی: سیستێمەکانی بەرگریی ئاسمانیی «جەوشەن» و «خاتەم»ی ھێزی بەرەڤانیی ئاسمانیی بەرگریکارانی ئاسمانی ویلایەتی ١٤٠٠ بە سەرکەوتوویی ئامانجەکانیان پێکاو سەرنخونیان کردن.

بە پێی ڕاپۆرتی ڕۆژی چوارشەممەی ئیرنا، «سەرتیپ قارد ڕەحیم زادە» فەرماندەری بنکەی ھاوبەشی بەرگریی ئاسمانیی ئێران وتی: لە درێژەی قۆناغی سەرەکیی مەشقی ھاوبەشی بەرەڤانیی ئاسمانیی بەرگریکارانی ئاسمانی ویلایەتی ١٤٠٠ سیستێمەکانی بەرگریی ئاسمانیی خۆماڵیی «جەوشەن» و «خاتەم»ی ھێزی بەرەڤانیی ئاسمانیی ئەرتەش ئامانجەکانی دوژمنی گریمانەیییان کە بە نیازی کنەکردنە نێو ناوچەی مەشقەکە بوون لە بەرزاییەکی کەم دا لەنێو برد.

فەرماندەری بنکەی ھاوبەشی بەرگریی ئاسمانیی ئێرانبە دەبڕینی ئەمەی کە سیستێمەکانی «جەوشەن» و «خاتەم» بۆ یەکەمجار لەم مەشقەدا تاقی دەکرانەوە، وتیشی: سیستێمی موشەکیی «جەوشەن» نمونەی پەرە پێ دراوی سیستێمی بەرەڤانیی «١٥ی جۆزەران»ـە کە لە ڕاداری «پەسیو» کەڵک وەردەگرێت و لەم مەشقەدا بۆ یەکەمجار بە سەرکەوتوویی تاقی کرایەوەو ئامانجە دیاری کراوەکانی لەنێو برد.