شەمخانی: سیستەمی مووشەکیی ئێران هێڵی سووری ئێمەیە
شوبات 13, 2026 15:23 Asia/Tehran
سکرتێری ئەنجوومەنی بەرگریی ئێران پێیداگرت لەسەر ئەوەی کە سیستەمی مووشەکی ئێران بۆ دانوستان نابێ.
عەلی شەمخانی، سکرتێری ئەنجومەنی بەرگریی ئێران لە وتووێژێکدا بە ئاماژە بە دانوستانە ئەتۆمییەکانی نێوان ئێران و ئەمریکا پێیداگرت: سیستەمی مووشەکیمان لە ڕیزی ئەو بابەتانەیە کە لای ئێمە بە هێڵی سوور دێنە ئەژمار و دانوستانیان لەسەر ناکرێ. ناوبراو لە وەڵامی هەڕەشەکانی ڕژێمی زایۆنی دژی ئێران، ڕایگەیاند: ڕژێمی زایۆنی بەبێ پشتیوانیی ڕاستەوخۆی واشینگتۆن هیچی لەدەست نایەت.
شەمخانی ڕاشکاوانە ڕایگەیاند: ئێمە وەڵامی توند، یەکلاکەرەوە و شیاو دەدەینەوە بە هەر چەشنە شەڕاشۆییەک لە دژی ئێران. ناوبراو بە ئاماژە بەوەی ئامادەیی سەربازیی ئێران گەلێک لە سەرەوەیە وتیشی: دواهاتی نالەباری هەر حیساباتێکی هەڵە لەلایەن هەر لایەنێکەوە یەکجار کارەساتبار دەبێت.
