وتەبێژی وەزارەتی دەرەوەی ئێران لە پەیامێکدا بە ئاماژە بە دوایین نموونەی تاوانە جەنگییەکانی ئەمریکا لە دژی گەلی ئێران پێیداگرت کە هەر تاوانێکی تازە ویست و ورەی ئێرانییەکان بەرزتر و بتەوتر دەکات بۆ بەدواداچوونی دادگەری و سزادانی تاوانباران.

ئیسماعیل بەقایی لە پەیامێکدا لە تۆڕی کۆمەڵایەتیی ئیکس، بە ئاماژە بە دەستدرێژیی سەربازیی ئەمریکا بۆ سەر چەن ناوچەیەکی وڵاتەکەمان، بە پارێزگای هورمزگانیشەوە، نووسی: لیستی تاوانەکانی ئەمریکا دژی ئێرانییەکان ڕۆژ لە دوای ڕۆژ دوور و درێژتر دەبێتەوە و هەر ڕۆژەو ئەمریکا پەردەیەکی تازەی ڕق و کینەی خۆی دژی ئێران دهەڵدەداتەوە؛ سەرلەبەیانی ڕۆژی سێشەممە، سوپای تیرۆریستی ئەمریکا هێرشی کردە سەر بنکەیەکی ژینگەپارێزی لە گوندی سەید جەوزەر لە ناوچەی حاجی ئاباد لە باکووری هورمزگان و ٣ ئەندامی بنەماڵەی بەڕێز"جەواد حەسەن زادە"، ژینگەپارێزی ماندوونەناسی شەهید کرد.وتەبێژی وەزارەتی دەرەوەی ئێران ڕاشیگەیاند: ئەمە تەنیا تازەترین نموونەی تاوانە جەنگییە قێزەونەکانی ئەمریکایە لە ماوەی چوار مانگ و نیوی ڕابردوودا، کە بە تیرۆری ڕێبەران و منداڵان و ژنان و پیاوانی ئێرانی لە تاران، میناب و لامێرد لە ڕۆژی ٩ی ڕەشەممەی ١٤٠٤ (٢٨ی فێڤرییەی ٢٠٢٦) دەست پێبوو.