وەزارەتی ئیتڵاعاتی ئێران باسی تیابردنی سێ بنکەی ئۆپەراسیۆنی سەر بە گرووپە تیرۆریستییەکانی کرد. وەزارەتی ئیتڵاعاتی کۆماری ئیسلامی ئێران لە ئاگادارییەکدا ڕایگەیاند؛ بە هەوڵی بێوچان و نهێنیی هێزەکانی ئەم وەزارەتخانەیەوە و بەکەڵکوەرگرتن لە ڕاپۆرتە جەماوەرییەکان، ئەندامانی سێ بنکەی ئۆپەراسیۆنیی سەر بە گرووپە تیرۆریستییەکانی بەکرێگیراوی دوژمنی ئەمریکایی- زایۆنی کە بەنیازی ئەنجامدانی تیرۆر و تیابردنی ژێرخانە ئابوورییەکان بوون لە سێ پارێزگای ئێراندا کوژران یان گیران.

 کورتەی دەستکەوتە ئاماژەپێکراوەکان بەم شێوەیەیە: یەکەم؛ کوژرانی ئەنجامدەری ئۆپەراسیۆنی گرووپی تیرۆریستی جیاییخواز کە بەنیازی تیرۆرکردنی یەکێک لە فەرماندەرانی هێزی ئینتزامی لە پیرانشار بوو.
دووەم؛ دوای چاودێری و کۆنترۆڵەکان لەلایەن ئیداره‌ی گشتیی ئیتلاعاتی پارێزگای ئەلبۆرزەوە، بەکرێگیراوێکی سەر بە دوژمنی ئەمریکایی_ زایۆنی گیرا و ڕێگری لە کردەوەی تێکدەرانەی کرا.
سێهەم؛  لە درێژەی زنجیرە هەڵمەتی پێشدەستانەدا لەلایەن هێزەکانی  وەزارەتی ئیتڵاعاتەوە لە پارێزگای کرمان، ئەندامانی گرووپێکی تیرۆریستیی سەر بە دەزگا هەواڵگرییەکانی دوژمنی ئەمریکایی- زایۆنی ناسران و پێش ئەوەی هیچ کارێک بکەن، قۆڵبەست کران.