هێزی دەریایی سپای پاسدارانی شۆڕشی ئیسلامی لە ئاگادارییەکدا ڕایگەیاندووە کە دووەمین ژێردەریایی لە دوورەوە کۆنترۆڵکراوی سوپای تیرۆریستی ئەمریکای لە گەرووی هورموز خستۆتەداو و دەستی بەسەردا گرتووە.

لە ئاگادارینامەکەی هێزی دەریایی سپای پاسدارانی شۆڕشی ئیسلامیدا هاتووە:  خەباتکارانی هێزی دەریایی سپا بە یارمەتی خوای گەورە لە هەڵمەتێکی هەواهەنگ و ڕێک و پێکدا بە هۆی لەبەردەستدابوونی زانیاری و هەروەها لێهاتووییان لە شەڕی ئەلکترۆنیکدا، توانیان ژێردەریاییەکی لە دوورەوە کۆنترۆڵکراوی سوپای تیرۆریستی ئەمریکا بە ناوی "ڕیموس ٦٠٠ "بخەنە داوەوە کە خەریکی سیخوڕیکردن لە گەرووی هورموز بوو. گرنگایەتیی ئەم دەستکەوتە تەنیا بە خودی ئامێر و سیستەمەکانی بەرتەسک نابێتەوە، بەڵکو یادەوەریی فەرمانبەرێتییەکانی، ڕێگە تۆمارکراوەکان، زانیارییەکانی شێوازەکانی گەڕان، هەموو پلان و بەرنامەکان و شێوەی دروستکردنی نەرم ئامێرەکانی دەتوانێت وێنەیەکی ڕێک و دروست لە چۆنیەتیی چالاکیی ژێردەریاییە بێسەرنشینەکانی ئەمریکا لە گەرووی هورموز بخاتە بەردەست، و لە بواری ناسینی تاکتیکەکان، شێوەی کۆکردنەوەی زانیاری و هەروەها شێوازەکانی ئۆپەراسیۆنی ئەم سیستەمانە لە باری زانیارییەوە دەتوانێ گەلێک گرنگ و پڕبایەخ بێ.