بەرەبەیانی ئەمڕۆ یەکشەممە، «فۆئاد ئۆکتای» جێگری سەرۆک کۆماری تورکیا ڕایگەیاند: ژمارەی قوربانیانی بوومەلەرزە ٧.٨ ڕیختەرییەکەی باشووری ئەو وڵاتە بۆ ٢٤ هەزار و ٦١٧ کەس ھەڵکشا.

بە پێی ڕاپۆرتی ئیرنا بە گێڕانەوە لە ئاژانسی هەواڵدەریی «ئانادۆلۆ»ی تورکیاوە، ئۆکتای ئتیشی: ئۆپراسیۆنی گەڕان و ڕزگارکردن هێشتا بەردەوامە و ھەتا دوایین چرکە هیوا لەدەست نادەین بۆ ڕزگارکردنی گیرخواردووانی ژێر داروپەردوو.

ئاماژەی بەوەشکرد: هەموو ڕێکارەکان بۆ ڕووبەڕووبوونەوەی ئەگەری بڵاوبوونەوەی نەخۆشی لە ناوچە زیانلێکەوتووەکانی بوومەلەرزە دەگیردرێتەبەر.

ئەمەو لە لایەکی دیکەوە «فەخرەدین کۆجا»، وەزیری تەندروستیی تورکیاش پێشتر ژمارەی کوژراوانی ئەم بوومەلەرزەیەی بە ٢٢ هەزار و ٣٢٧ کەس و ژمارەی بریندارەکانیشی ٨٠ هەزار و ٨٨ کەس ڕاگەیاندبوو.

پەرلەمانی تورکیا ڕۆژی پێنجشەممە (٢٠ی فڤریە) باری نائاسایی لە ١٠ ناوچەی بوومەلەرزەلێدراوی ئەم وڵاتەدا ڕاگەیاند.