دەنگی ئەنجومەنی عەوامی بەریتانیا بە پرۆژەیاسای بێرگزیت
پاش چەن ڕۆژ قسە و باس و وتووێژ، پرۆژەیاسای دەوڵەتی بەریتانیا سەبارەت بە چوونەدەری ئەم وڵاتە لە یەکێتیی ئەورووپا (بێرگزیت) لە ئەنجومەنی عەوامی ئەم وڵاتە پەسەن کرا.
بە پێی ڕاپۆرتی کەناڵی ئەمریکایی "سی ئن ئن" ، ئەم پرۆژەیاسایە کە ئامانجی یەکخستنی یاسای یەکێتیی ئەورووپا لەگەڵ یاسای بەریتانیا بۆ دەستەبەرکردنی گواستنەوەی ئارام و لەسەرەخۆیە لە پرۆسەی بێرگزیتدا، ڕۆژی چوارشەممە بە ٣٢٤ دەنگی ئەرێنی لەهەمبەر ٢٩٥ دەنگی نەرێنی لە ئەنجومەنی عەوامی ئەم وڵاتەدا پەسەن کرا.
بە پێی ئەم پرۆژەیاسایە ، بەریتانیا ٢٩ی مارسی ٢٠١٩ لە یەکێتی ئەورووپا دێتە دەرەوە.
دەوڵەتی بەریتانیا لە ڕێگای پەسەن کردنی ئەم پرۆژەیاسایەدا بەرەوڕووی زۆر کێشە و گرفتی جۆربەجۆر بەتایبەت لە لایەن نەیارانی بێرگزیت و نەیارانی سیاسەتەکانی دەوڵەت سەبارەت بەو مەسەلەیە بوویەوە.
"ژان کلۆد یونکەر" سەرۆکی کۆمسیۆنی ئەورووپا ڕۆژی چوارشەممە ، بێرگزیتی بە دۆخی " دۆڕان - دۆڕان" بەتایبەت بۆ بەریتانیا وەسف کرد و ئەوەی بە کارەساتێک زانی.
یونکەر وتی کە خۆشحاڵ دەبێ یارمەتیی بەریتانیا بدات بۆ ئەوەی هەرکات پاش چوونەدەری لە یەکێتیی ئەورووپا سەر لە نوێ بێتەوە نێو ئەم یەکێتییە .
