جمینی زەوی لە میانمار 166 کوژراوی لێکەوتەوە
ته‌مووز 04, 2020 07:20 Asia/Tehran
کاربەدەستانی میانمار باسی بەرزبوونەوەی ژماری قوربانیانی جمینی زەوی لە کانگەی بەردی یەشمی سەوز دەکەن بۆ 166 کەس .
فەرمانگەی ئاگرکوژراندنەوەی میانمار رایگەیاند ، بە دۆزرانەوەی 4 تەرمی دیکە لە ژێر قوڕ و لیتەی بە هۆی جمینی زەوی لە کانگەی یەشمی سەوزی پارێزگەی کاچین ی میانمار ( بێرما) ژماری قوربانیانی ئەم رووداوە گەیشتە 166 کەس .
میانمار یەکێک لە گەورەترین سەرچاوەکانی یەشمی سەوز لە جیهان و چین یەکێک لە گەورەترین کڕیارانی ئەم بەردە گرانباییە .
هەرەسبردنی قەبارەیەکی گەورەی خاشاکی کانگەیی لە نێو دەریاچەی نزیک کانگای یەشمی سەوز لە پارێزگەی کاچینی میانمار ، بووە هۆی بەدیهاتنی شەپۆلێکی قوڕ و لیتە و کرێکارانی نێو کانگاکەی خستەژێر .
یەشمی سەوز بەردێکی بەنرخە و بۆ خشڵ و رازاندنەوە دەکاردێت .
