مەرجی ئەرمەنستان بۆ کشانەوەی ھێزەکانی لە ناوچە سنووریەکان
حکومەتی ئەرمەنستان کشانەوەی ھێزەکانی لە ناوچە سنووریەکان بەستەوە بە ھەنگاوی بەرامبەری کۆماری ئازەربایجان و جێگیربوونی ھێزەکانی ئاشتی پارێزی روسیا .
بە پێی راپۆرتی ھەواڵدەریی فارس ، نیکۆڵ پاشینیان سەرۆک وەزیرانی ئەرمەنستان رایگەیاند ، ئەگەر کۆماری ئازەربایجان لە گەڵ کشاندنەوەی ھێزەکانی لە ناوچە کێشە لەسەرەکان رازی بێت ئەرمەنستانیش ھێزەکانی دوور دەکاتەوە و داکۆکییش دەکات لە نێردرانی ھێزەکانی ئاشتی پارێز و چاودێرانی وڵاتانی گروپی مینسک وەکوو فەڕەنسە و ئەمریکا .
سەرۆک وەزیرانی ئەرمنستان لە درێژەدا جەختی کردەوە ، روسیا ھەروا وەک شەریکی سەرەکیی ئێرەوان لە پرسە ئاسایشیەکان وپەیمانی ئاسایشی بە کۆمەڵی ناوچەیی (CSTO) دەمێنێتەتەوە .
لە کاتێک دا کە دیسان بارگرژیی نێوان ئەرمەنستان و کۆماری ئازەربایجان لە نێو ھەواڵەکان دا باسی دەکرێ و باکۆ ئەم دواییانە باسی برینداربوونی سەربازێکی خۆی کردبوو لە پەلاماری ھێزەکانی ئەرمەنستان ، وەزیری بەرگریی ئەرمەنستان سەردانی مۆسکۆی کردو لە گەڵ ھاوشانی روسی خۆی وتووێژی کرد .
