SAHAR

چەکدارانی نەناسراو لە شاری کابۆلی پێیتەختی ئەفغانستان تەقەیان لە زانایەکی ئایینی سوننەی ئەفغانی کرد.

بە پێی ڕاپۆرتی هەواڵدەریی سیما؛ بەرەبەیانی ڕۆژی پێنجشەممە چەکدارانی نەناسراو تەقەیان لە مەولەوی «نەجیبوڵڵا عەزیزی» وتارخوێنی مزگەوتی «ئەبوبەکری سددیق» لە ناوچەی «کارتە نۆ» لە ناحیەی 8ی ئەمنیی شاری کابۆل کرد و کوشتیان، لەو هێرشەدا دوو نوێژخوێنی دیکەش کوژران.

ئەم هێرشە لە کاتی نوێژی بەیانی لە نزیک مزگەوتی «ئەبوبەکری سددیق» ڕوویداو هێرشبەرە چەکدارەکان تەقەیان لە مەولەوی «نەجیبوڵڵا عەزیزی» و نوێژخوێنانی دیکە کرد و دواتر لەو شوێنە هەڵهاتن.

وەک باسی دەکرێت مەولەوی «نەجیبوڵڵا عەزیزی» چەند ساڵێک پێشنوێژی ئەم مزگەوتە بووە. تا ئێستا ناسنامەی هێرشبەرە چەکدارەکان دەستنیشان نەکراوە و سەرچاوە فەرمییەکانی حکومەتی تاڵیبانیش کاردانەوەیان نەبووە.