بوومەلەرزە بەرۆکی تاجیکستانیشی گرت
شوبات 23, 2023 13:16 Asia/Tehran
ڕوودانی بوومەلەرزە لە ناوچەیەکی ڕۆژھەڵاتی تاجیکستان پتر لە ٣٠٠ کوژراوو برینداری لێ کەوتەوە.
بوومەلەرزەیەک بە گوڕی ٦.٨ و قوڵایی ٢٠ کیلۆمەتر ناوچەیەکی لە ٥٩ کیلۆمەتریی ڕۆژئاوای شاری «مەرغاب» لە ڕۆژهەڵاتی تاجیکستان هەژاند.
ناوەندی تۆمارکردنی بومەلەرزەی ئەوروپی گەورەیی ئەم بوومەلەرزەیەی بە ٧.١ بە پێوەری ڕێختەر ڕاگەیاندووە و کەناڵی تەلەفزیۆنیی دەوڵەتیی چینیش بە ٧.٣ بە پێوەری ڕێختەر خەمڵاندوویەتی.
ئەم بوومەلەرزەیە لە ناوچەی سەرسنووریی نێوان «شینجیانگ»ی چین و «مەرغاب»ی تاجیکستان ڕووی داوە.
بەپێی ڕاپۆرتی ژیۆلۆژیی ئەمریکی، ئەم بوومەلەرزەیە سێ پاش لەرزە بە گوڕی ٥، ٤.٦ و ٤.٩ بە پێوەری ڕێختەریشی بە دوای خۆی دا ھێنا.
ھێندێک لە ڕاپۆرتەکان دەربڕی ئەوەن کە ئەم بوومەلەرزەیە ھەتا ئێستا سێ کوژراوو ٣٠٠ برینداری لێ کەوتووەتەوە.
