کۆمیساریای باڵای مافی مرۆڤی نەتەوە یەکگرتووەکان لەبارەی تاوسەندنی شەڕی غەززە وشداریی دا
کۆمیساریای باڵای مافی مرۆڤی ڕێکخراوی نەتەوە یەکگرتووەکان وێڕای پێداگریی لەسەر ئەوەی کە پێشگرتن بە تەشەنای شەڕ لە غەززە، پێویستە، وشداریی دا، تاوسەندنی ئەو شەڕ و پێکدادانە، دەتوانێ شوێنهاتی بەرفراوانی بێ بۆ سەرتاسەری خۆرهەڵاتی ناوەڕاست و بەدەر لەویش.
"ڤۆڵکەر تورک" لە وتاردانێکی لە ئەنجومەنی مافی مرۆڤی ڕێکخراوی نەتەوە یەکگرتووەکان لە ژنێڤ وتی کە شەڕی غەززە، گەیشتووەتە وڵاتانی دەورووبەریشی. ناوبراو وتی کە زۆر نیگەرانم بڵێسەیەک بکەوێتە نێو ئەو بەرمیل باڕوتە و ئاگرکەوتنەوەیەکی بەرفراوانتری لێبکەوێتەوە. ئەوەش شوێنهاتی زۆری دەبێ بۆ وڵاتانی خۆرهەڵاتی ناوەڕاست و وڵاتانی دیکەی دەورووبەری ئەو ناوچەی جیهان.
ئەو دیپلۆماتە ئۆتریشییەی ڕێکخراوی نەتەوە یەکگرتووەکان، قووڵبوونەوەی شەڕو پێکدادان لە باشوری لوبنان لەنێوان رژیمی ئیسرائیل، حیزبوڵڵاو باقی گرووپە چەکدارەکانی بە، "جێی نیگەرانی زۆر" لێکدایەوەو وتی: دەبێ ئەوپەڕی هەوڵ و توانا بخرێتەگەر بۆ پێش گرتن بە پەرەی زیاتری ئاوری شەڕ.
کۆمیساریای باڵای مافی مرۆڤی نەتەوە یەکگرتووەکان وێڕای ئاماژە بە بارودۆخی کارەساتباری کەرتی غەززە، پێی داگرت لەسەر پێویستیی جێگیرکرانی ئاگربڕی یەکجاریی لەو ناوچەیەو وتی: مرۆڤایەتیمان بەستراوەتەوە بە وەستانی تاوانکارییەکان لە کەرتی غەززە.
