ژماری قوربانیانی ئەو لافاوەی بە هۆی بارانبارینێکی بەخوڕ و بێوچان لە ئەیالەتی ئاسام هەڵکەوتوو لە باکووری ڕۆژهەڵاتی هیندستان هەستاوە، گەیشتە ٨٥ کەس.

کاربەدەستانی ناوەندی کۆنترۆڵ و بەڕێوەبەرایەتی کردنی ڕووداوە سرووشتییەکانی هیندستان بە ئاماژە بەوەی کە هەزاران کەس لە ماڵەکانیان براونەتە دەرەوە، وتیشیان: ٢٦٩ ئۆردوگا لە ناوچە جۆراوجۆرەکانی ئەم ئەیالەتە دانراوە و زیاتر لە ٥٣ هەزار کەس نیشتەجێ کراون.

ئیدارەی کەشناسیی هیندستان لەبەر کاولکەر بوونی ڕووداوە سرووشتییەکانی ئەیالەتەکانی باکووری ڕۆژهەڵاتی ئەم وڵاتە، لەم ناوچانە وشداری سووری ڕاگەیاندووە.

هەڵکردنی بایەکی تووند و بارانێکی بەخۆڕ و بێوچان بۆتە هۆی هەڵچوونی ئاوی ڕووباری "براهماپووترا" و زەبر کەوتن لە بەرهەمەکانی کشت و کاڵ و ئاوارە بوونی بە هەزاران کەس.