سێناتۆری ئەمریکی بە دانپێدانان بە بێ ئاکامیی دەوڵەتی ترەمپ لە شەڕی دژ بە ئێراندا، وتی: ئەو شەڕە بووەهۆی لاوازبوونی ئەمریکاو بەهێزتربوونی ئێران.

کریس مورفی وێڕای داننان بە شوێنهات و لێکەوتەکانی شەڕی دژ ئێران بۆ وڵاتەکەی، ڕایگەیاند کە پاڵپشتیی هەر ڕێککەوتنێک دەکا کە کۆتایی بەو شەڕە بێنێ تەنانەت ئەگەر ڕێککەوتنێکی خراپیش بێ. مورفی بەئاماژە بە چوونەسەری تێچووی بەردەوامکردنی شەڕ و لێکەوتەکانی بۆ ئەمریکا وتی: خەڵکی ئەمریکا لەو شەڕە ئازار دەکێشن و تێچووی کرانەوەی گەرووی هورمزیش تادێ زیاد دەکا. ئەو سیناتۆرە ئەمریکییە هەروەها وتی کە دۆناڵد ترەمپ لەو شەڕەدا شکستی خوارد و ئەمریکا لاواز و ئێرانیش بەهێزتربوو . ناوبراو لە درێژەی قسەکانیدا بەئاماژە بە بژاردەکانی بەردەم بۆ کۆتایی هێنان بە شەڕ، وتی: تەنیا ڕێککەوتنێک کە لە ئێستادا بەردەستە، ڕێککەوتنێکی سامناک و خراپە.