وەزیری دەرەوەی ڕووسیا دەڵێت کە ئەمریکا ڕۆڵێکی زۆر گرنگ دەگێڕێ لە هێرشەکانی ئۆکرانیا بۆ سەر ڕووسیا، بەتایبەت ئەو هێرشانەی دەکرێتە سەر ناوچەکانی ناوخۆی وڵاتەکەی و هەروەها لە پەلاماردانی ئامانجە مەدەنییەکانیشدا.

سێرگی لاڤرۆڤ بە ئاماژە بەو زانیاریانەی واشنتۆن دەیخاتە بەردەستی کیێڤ، ڕایگەیاند کە مۆسکۆ داوای ڕوونکردنەوەی لە وەزارەتی دەرەوەی ئەمریکا کردووە لەو بارەیەوە و چاوەڕێی وەڵامە. لاڤرۆڤ هەروەها جەختی لەوە کردەوە کە مۆسکۆ هەوڵەکانی چڕتر دەکاتەوە بۆ تیابردنی هەر جۆرە پشتیوانی لۆجستیکی کە ڕۆژئاوا دەینڕێ بۆ سوپای ئۆکرانیا . وەزیری دەرەوەی ڕووسیا پێیشیداگرت: "ئێمە شێوازەکانمان زۆر توندتر دەکەینەوە بۆ لەناوبردنی هەموو ئەو شتانەی کە ماشێنی جەنگیی کیێڤ تەیار و ئامادەی شەڕ دەکەن. ئێمە هەر ئێستایش ئەم کارە دەکەین".