سندوقی منداڵانی ڕێکخراوی نەتەوە یەکگرتووەکان ناسراو بە یونیسێف ڕایگەیاندووە کە لە هەر چوار منداڵ لە وڵاتی یەمەن یەک منداڵ گیرۆدەی بەدخۆراکییەکی توند و نالەبارە.

ڕێکخراوەکە ڕایگەیاندووە کە لە نێوان نزیکەی  دوو هەزار و ٩٠٠ منداڵدا کە لەو ناوچانەدا بوون و پشکنینیان بۆ ئەنجام دراوە، زیاتر لە چوار یەکیان تووشی بەدخۆراکییەکی توند بوونەتەوە. زیاتر لە دوو سەد کەسیش بە هۆی بەدخۆراکییەوە تووشی کێشە و نەخۆشیی قورس بوون. بە گشتی پێشبینی دەکرێ لە ساڵی ٢٠٢٦  نزیکەی دوو ملیۆن و دووسەد هەزار منداڵی تەمەن ژێر پێنج ساڵ لە یەمەن ڕووبەڕووی بەدخۆراکییەکی تووند ببنەوە کە زیاتر لە نیو ملیۆن کەسیان تووشی حاڵەتە نالەبارەکە دەبن. شەڕ و پێکدادان ئێستاش هەر پێش دەگرێ بە دەسراگەیشتنی منداڵان بە ڕاژەکاریی دەرمانی و خوێندن و لە دەستپێکی سێپتەمبەرەوە لانیکەم ١٥ منداڵ کوژراون و ١٤ منداڵیش بریندار بوونە، هەروەها ٣ منداڵیش هێشتا بێسەروشوێنن.