دیداری باڵیۆزی ئێران لە گەڵ وەزیری بازرگانیی عێراق ، گەشەی زیاتری پێوەندیی بازرگانیی
کانونی یه‌که‌م 07, 2020 13:49 Asia/Tehran
لە دیداری ئیرەج مەسجدی باڵیۆزی کۆماری ئیسلامیی ئێران لە بەغدا لە گەڵ دوکتور عەلا ئەحمەد جەبووری وەزیری تیجارەتی عێراق ، رێگاکانی پەرەی پێوەندیی بازڕگانیی تاووتوێ کرا .
لەم دیدارەدا دوو لایەن لە بارەی تەوەرەکانی بەڕێوەچوونی کۆبوونەوەی لیژنەی ھاوبەشی ئابووریی دوو وڵات کە بڕیارە لە داھاتووی نزیک دا لە تاران بەڕێوەبچێت وتووێژ کرا .
لە دیدارەکەدا ھەروەھا دوو لایەن وێڕای راگەیاندنی داکۆکیی لە ئامادەبوونی کۆمپانیاکانی کەرتی تایبەتی دوو وڵات لە بازاڕی یەکتر ، جەختیان کردەوە لەسەر پێشکەشکردنی ھاسانکاری و راژەکاریی پێویست بۆ پەرەی چالاکییان .
