حەشدی شەعبی عێراق شەوی رابردوو باسی شەھیدبوونی 10 کەس لە ھێزەکانی خۆی کرد لە پەلاماری تیرۆریستانی داعش بۆسەر پارێزگەی سەلاحەدین .

حەشدی شەعبی لە بەیاننامەیەک دا رایگەیاند ، تیرۆریستانی داعش پەلاماریان کردووەتەسەر بنکەکانی تیپی 22 ی ئەم ریکخراوەیە لە دەوروبەری ناوچەی ئەلعەیس لە ناوچەی حەمرینی پارێزگەی سەلاحەدین . 

بە پیێ راگەیاندنی حەشدی شەعبی ، لەو پەلامارەدا فەرماندەی ھەنگی سێھەمی تیپی 22 ی حەشدی شەعبیی عێراق لە گەڵ 9 کەسی دیکە شەھید کراون . 

سەرچاوە عێراقیەکان رایانگەیاند ، ھەڵمەتی سەربازی بۆ بەرپەرچدانەوەی پەلاماری داعش بەردەوامە و شەڕ لە ناوچەی ئەلعەیس گەرمە . 

کەناڵی سابرین نیوزیش رایگەیاند ، داعشیەکان لەو ناوچەیە کەوتوونە گەمارۆی ھێزەکانی حەشدی شەعبی .