پەلاماری ھێزەکانی داعش بۆسەر ھێزە ئاسایشیەکانی عێراق لە دیالە و بەغدا
May 29, 2021 14:45 Asia/Tehran
سەرچاوە میدیاییەکان باسی پەلاماری تیروریستانی داعش دەکەن بۆ سەر ھێزە ئاسایشیەکان لە ھەردوو پارێزگەی دیالە و بەغدا.
بە پێی راپۆرتی ئەمڕۆ شەممەی سۆمەریە نیوز، دوا بە دوای پەاماری تاقمی تیرۆریستیی داعش بۆسەر پارێزگەی دیالە لە رۆژھەڵاتی عێراق ، ھێزەکانی حەشدی شەعبی لێیان راسان و دوو کەس لە ھێزەکانی ئەم رێکخراوەیە بریندار بوون .
تاقمی تیرۆریستیی داعش ھەروەھا ھەڵیانکوتایە سەر ھێزێکی گەڕانی ئەرتەشی عێراق لە شاری تارمیەی باکووری بەغدا .
بە دوای ئەم پەلامارەدا و تێکھڵەچوونی ھێزەکانی ئەرتەش لە گەڵ داعشیەکان لە تارمیە ، یەکێک لە تیرۆریستان کوژرا .
رۆژی رابردووش چەکدارانی نەناسراو پەلاماریان کردە سەر کاروانی سەلیم جەبووری سەرۆکی پێشووی ئەنجوومەنی نێونەرانی عێراق لە پارێزگەی دیالە و دوو کەس لە کارمەندانی نوسینگەکەی بریندار بوون .
