لەدرێژەی دیدار و چالاکییە سیاسی و دیپلۆماسییەکاندا لە بەغدا، وەفدی یەکێتیی نیشتمانیی کوردستان بە سەرۆکایەتی بافڵ تاڵەبانی پێشوازیانکرد لە ئیرەج مسجدی، باڵیۆزی کۆماری ئیسلامی ئێران لە عیراق.

لەدیدارێکدا گفتوگۆ لەبارەی دوایین گۆڕانکارییە سیاسی و ئەمنییەکانەوە کرا و هەڵبژاردنی پێشوەختەی عیراق، رووبەڕووبوونەوەی پاشماوەکانی داعش و پەیوەندییەکانی هەرێم و عێراق تاووتوێکران. 

بە پێی ھەواڵێکی پی یوو کەی میدیا ، بافڵ تاڵەبانی جەختی لە پەرەپێدان و فراوانکردنی پەیوەندییە دۆستانەکانی لەگەڵ کۆماری ئیسلامی ئێران کردەوە لەچوارچێوەی پاراستنی بەرژەوەندییە باڵاکان و خزمەتکردنی گشتی.

لەبارەی پاراستنی سنوورەکان و رووبەڕووبوونەوەی پاشماوەکانی داعش و هەماهەنگییە سەربازییەکان لەنێوان هەردوولا، هاوسەرۆکی یەکیەنی ستراتیژی رووبەڕووبوونەوەی مەترسییەکانی خستەڕوو و ئاماژەی بە گرنگی بەردەوامی هەماهەنگییەکان کرد بۆ زاڵبوون بەسەر بۆشاییە ئەمنییەکان و پاراستنی ئاسایش و ئارامی. 

سوپاسی کۆماری ئیسلامی ئێرانیشی کرد کە لە جەنگی رووبەڕووبوونەوەی داعش هاوکاری هەرێم بوون و رۆڵی گرنگیان گێڕا لە بەرقەرارکردنی سەقامگیری لە ناوچەکە.