نوسینگەی ئایەتوڵڵا سیستانی مەرجەعی باڵای ئایینیی عێراق وێڕای ڕەت کردنەوەی ئەو دەنگۆیانەی کە لە ئارادان، جەختی کرد: مەرجەعییەتی باڵای ئایینیی عێراق ھیچ ھەڵوێستێکی لە بارەی پێکھاتنی دەوڵەتی داھاتووی ئەم وڵاتە نییە.

بە پێی ڕاپۆرتی ڕۆژی سێ شەممەی ماڵپەڕی فۆرات نیوز، بەرپرسی نووسینگەکەی ئایەتوڵڵا سیستانی مەرجەعی باڵای شێعەکانی عێراق لە شاری نەجەفی پیرۆز جەختی کرد کە مەرجەعی باڵای ئایینی لە بارەی ھیچ جۆرە وتووێژ و پەیوەندی و یان ڕاوێژی پەیوەست بە پێکھاتنی ھاوپەیمانییە سیاسییەکانی پێکھێنانی دەوڵەتی داھاتوو، ھەڵوێست وەرناگرێت.

بەرپرسی نووسینگەکەی ئایەتوڵڵا سیستانی مەرجەعی باڵای شێعەکانی عێراق جەختی لەوەش کردەوە کە، ھەرچەشنە ھەواڵێکی بە پێچەوانەی ئەمە کە لە لایەن ھێندێک باڵ و لایەنەوە لە میدیاکاندا بڵاو دەبنەوە، بێ بناغەن.

ھەڵبژاردنی پێشوەختەی پەرلەمانی عێراق دەیەمی ئۆکتۆبەری ئەمساڵ بەڕێوە برا.