ژووری بازرگانیی دیالەی عێراق بە دەرگردنی ئاگاداری نامەیەک داوای لە تەواوی بازرگانانی ئەم پارێزگایە کرد کە لە وەڵامی ھێرشە خوێناوییەکەی تورکیا بۆ سەر باکووری عێراق خۆیان لە ھاوردە کردنی کاڵای تورکی بووێرن.

بەپێی ڕاپۆرتی ئەلعەھد، دوای کاردانەوە سیاسییەکان و خۆپیشاندانە مەدەنییەکانی ڕۆژانی ڕابردوو، ناڕەزایەتی گەیشتە بواری بازرگانی و ئابوریش.

لە یەکەم کاردانەوەدا ژووری بازرگانیی دیالە داوا لە بازرگانانی پارێزگاکە دەکات بایکۆتی هاوردەکردنی سەرجەم شمەک و کەلوپەلێکی تورکی بە هەموو جۆرەکانیەوە بکەن.

هەروەک داواشی لە خاوەن کۆمپانیاکانی گەشتوگوزار کردووە ڕیکلام بۆ گەشتکردن بۆ تورکیا نەکەن.

«موسا تەمیمی» ئەندامی ژووری بازرگانیی «دیالە» لەم بارەیەوە وتوویەتی: لە ئاگاداری نامەکەدا داوا لە تەواوی بازرگانان کراوە کە لە ھێنانی ھەموو جۆرە کاڵایەکی تورکی خۆببوێران و داواش لە کۆمپانیاکانی گەشتکاری کراوە بۆ گەشتی ئانکاراو شارەکانی دیکەی تورکیا بانگەوازنەکەن.