وەزیری دەرەوەی عێراق لە دیدار لەگەڵ جێگری وەزیری خەزێنەداریی ئەمریکا، خوازیاری پێداچوونەوەی واشنگتۆن بوو بە بایکۆتی ٣٢ بانکی عێراقی.

"فواد حوسێن" جێگری سەرۆک وەزیران و وەزیری دەرەوەی عێراق لە دیدار لەگەڵ "برایان نیلسۆن"ی جێگری وەزیری خەزێنەداریی ئەمریکا بۆ کاروباری ترۆریزم و سپی کردنەوەی پارە، خوازیاری پێداچوونەوەی واشنگتۆن بوو بە بایکۆتی سی و دوو بانکی عێراقی.

ئەو دیدارە لە بنکەی وەزارەتی خەزێنەداریی ئەمریکا لە واشنگتۆن ئەنجامی گرت.

وەزارەتی دەرەوەی عێڕاق بەبڵاوکردنەوەی بەیاننامەیەک ڕایگەیاند: فواد حوسێن لەو چاوپێکەوتنەدا، جەختی کرد لەسەر پێبەندبوونی دەوڵەتی عێراق بە بەرەوپێش بردنی چاکسازییەکان و هەوڵە ئابورییەکانی لەپەیوەندی لەگەڵ سیستەمی بانکی و بەشی وزەدا.

فواد حوسێن هەروەها داوای لە برایان نیلسۆن کرد، وڵاتەکەی پێداچوونەوە بکا بە بایکۆتە سەپێندراوەکان بەسەر سی و دوو بانکی عێراقی.