بیروڕاگۆڕینەوەی باڵوێزی ئێران و سەرۆک کۆماری عێراق
سەرۆک کۆماری عێراق لە دیداری باڵوێزی ئێران لە بەغدا جەختی کرد لەسەر گرینگایەتی پێوەندییە دوولایەنەکانی نێوان ئێران و عێراق.
لەم دیدارەدا ڕووداو و گۆڕانکارییەکان لە ئاستی ناوچەیی نێودەوڵەتی و هەروەها هەوڵەکان بۆ بەهێزترکردنی ئاسایش و ئاشتی جیهانی خرایە بەر باس و لێکدانەوە. عەبدولەتیف ڕەشید لەم دیدارەدا جەختی کرد لەسەر گرینگایەتی پەیوەندییەکانی نێوان دوو وڵات و هاوکاریی دوو لایەنە لە ئاراستەی پاوەجێیی و ئاشتی ناوچەکەدا.
ناوبراو هەروەها پێی داگرت لەسەر گرنگایەتی بەردەوامبوونی هەوڵی نێودەوڵەتی بۆ زاڵکردنی زمانی وتوێژ و ڕاوێژ و هەروەها ئارام کردن و دوورخستنەوەی ناوچەکە لە هەر چەشنە دواهاتی نەرێنی کە کاریگەریی نالەبار دادەنێتە سەر ئاسایش و پاوەجێی. محمد کازم ئالی سادقیش جەختی کرد لەسەر پاڵپشتیی ئێران لە هەوڵەکانی عێراق بۆ پاراستنی ئاسایش و پاوەجێیی ئەم وڵاتە و گرینگایەتیی پەیوەندییە دولایەنەکان.
