مەشقێکی سەربازیی لەژێرناوی "فەرماندەرانی سەرکەوتن" لە عێراق بەڕێوە چوو.

هاوکات لەگەڵ ساڵوەگەڕی شەهیدبوونی حاج قاسم سولەیمانی و ئەبوومەهدی موهەندیس کە لە عێراق بەناوی "شەهادەت و سەروەریی" دەناسرێ، فەرمانگەی کاروباری تەقەمەنیی حەشدی شەعبیی عێراق، مەشقێکی سەربازیی پسپۆریی بەناوی "فەرماندەرانی سەرکەوتن"ی لە مەیدانی ڕاهێنان و مەشقپێکردنی پارێزگای دیالە، بەڕێوە برد. ئەو مەشقە سەربازییە بەئامانجی ئامادەکردنی بارودۆخی راستەقینەی گۆڕەپانی شەڕ، بەرزکردنەوەی ئاستی ئامادەیی ئۆپەراسیۆنیی هێزەکان و پەرەپێدانی توانای پرۆفشناڵی ئەوان جێبەجێ کرا؛ بەجۆرێک کە بەتەواوەتی هاوتەریب بووە لەگەڵ ئیلزاماتی فەرمانبەرێتی ئاسایشی و ستانداردی کاریی هێزەکانی حەشدی شەعبی.