ھەڵبژاردەی نیشتمانیی تۆپی سەرمێزی ئێران لە گەڵ ڕاهێنەری کوردستانی بۆ ژاپۆن نێردران
ته‌مووز 18, 2021 09:27 Asia/Tehran
جەمیل لوتفوڵانەسەبی راهێنەری کوردستانیی ھەڵبژاردەی نیشتمانیی تۆپی سەرمێزی ئێران بە مەبەستی بەشداری لە کێبەرکێیەکانی ئولەمپیکی 2020ی تۆکیۆ دوێنێ شەمە بەرەو ژپۆن کەوتەڕێ.
بە پێی هەواڵی مێهر, کێبەرکێیەکانی ئولەمپیکی تۆکیۆ 2020 لە یەکەمی گەلاوێژەوە بە بەشداری نوێنەرانی وڵاتانی جیهان دەست پێ دەکات.
وەرزشوانانی ئێران لە ۸ گرووپدا بۆ تۆکیۆ دەنێردرێن کە راهێنەری کوردستانیی دوێنی شەممە هاوڕێ لە گەڵ یەکەمین گرووپ بەڕێ کران.
سی و دووهەمین خولی یارییەکانی ئولەمپیک لە یەکەم تاکوو ۱۷ی گەلاوێژ بە بەشداری ۱۱ هەزار وەرزشوان لە تۆکیۆ بەڕێوە دەچێت.
