سەرۆکی فەرمانگەی ورزش و لاوانی سەقز گوتی : بە ھاریکاریی فەرمانگەی وەرزش و لاوان و لیژنەی بۆکسێنی کوردستان ، سەقز میوانداری پێشبڕکێکانی پاڵەوانەتیی پاڵاوتنی ھەڵبژاردەی نیشتمانیی لە ریزی تەمەنی لاوان و تازە لاوانی ئێرانە .

فەرزاد خاکی رۆژی دوشەممە لە وتووێژ لە گەڵ ئیرنادا گوتی : شاری سەقز لەم پێشبڕکێیانەدا لە ھەشتی رێبەندانەوە بە بۆنەی رۆژانی دەیەی فەجر ( ساڵھاتی سەرکەوتنی شۆڕشی ئیسلامیی ) بۆ ماوەی 8 رۆژ میوانداری پێشبڕکێکانی وەرزشکارانی سەرانسەری ئێران دەبێ . 

ناوبراو گوتیشی : لەم پێشبڕکێانەدا 32 تیم لە سەرانسەری ئێرانەوە بەشداری دەکەن و کەسانی سەرکەوتوو لە نیوەی دوھەمی مانگی رەشەمە بۆ پێشبڕکێکانی پاڵەوانەتیی ئاسیا لە وڵاتی ئەردەن دەنێردرێن . 

سەقز بە زیاتر لە 226 ھەزار دانیشتوو دوھەمین شاری گەورەی پارێزگەی کوردستانە.