ئەمڕۆ یەکشەممە، چەندین ڕووبەڕووبوونەوەی ئاگرین لە خولە ناوخۆیییەکانی ئەوروپا ئەنجام دەدرێن.

لە خولی نایابی ئینگلتەرا، یانەی مانچستەر سیتی لە یاریگای (ئیتیحاد) میوانداریی نیوکاسڵ یونایتد دەکات، لەو یارییەشدا ئەستێرەکانی گواردیۆلا دەتوانن بە بردنەوە ژمارەی خاڵەکانیان بگەیەنن بە (86) و بە جیاوازی سێ خاڵ بەرامبەر بە لیڤەرپوڵ لە پلەی یەکەمی ڕیزبەندیی ئەم وەرزەدا جێگیر ببن.

خولی ئیتاڵیا بە هەمان شێوە ئاگرین دەبێت، یانەی ئەی سی میلان لە دەرەوەی یاریگای خۆی دەبێتە میوانی یانەی هیلاس ڤیرۆنا، ئەستێرەکانی ڕۆسۆنێری پێویستیان بە بردنەوە و یەکسانبوونە بۆ وەرگرتنەوەی لووتکە لە یانەی ئینتەر میلانی ڕکابەری مێژووییان.

لە خولی ئیسپانیاش، یاریی لووتکە، یاخود دێربی مەدرید لەنێوان یانەکانی ئەتلەتیکۆ مەدرید و ڕیاڵ مەدرید لە یاریگای واندا میترۆپۆلیتانۆ ئەنجام دەدرێت.