ڕژێمی زایۆنی ڕێگری لە چوونی نوێنەری ئەورووپا بۆ نێو فەلەستینی داگیرکراوی کرد
شوبات 22, 2023 18:52 Asia/Tehran
دەسەڵاتدارانی ڕژێمی زایۆنی ڕێگرییان لە نوێنەری پەرلەمانی ئەوروپا و شاندەکەی یاوەری کرد بۆ چوونە نێو فەلەستینی داگیرکراو.
بە پێی ڕاپۆرتی ئاژانسی هەواڵدەریی میهر ڕۆژی چوارشەممە، «ئانا میراندا»، ئەندامی پەرلەمانی ئەورووپا، بە بڵاوکردنەوەی پەیامێک لە تۆڕی کۆمەڵایەتیی تویتەر ڕایگەیاند؛ ئەو پلانی دانابوو لەگەڵ ئەندامانی لێژنەی پەیوەندییەکان لەگەڵ فەلەستین لە پەرلەمانی ئەوروپا بچێتە ناو خاکە داگیرکراوەکانەوە، بەڵام دەسەڵاتدارانی ڕژێمی زایۆنی ڕێگەیان پێگرت.
ئەم نوێنەرەی پەرلەمانی ئەورووپا سەرەڕای ئەم کارەی ڕژێمی زایۆنی جەختی لەوە کردووەتەوەکە؛ ئێمە بەردەوام دەبین لە پشتیوانیکردنی گەلی فەلەستین و لە دەسەڵاتدارانی زایۆنی ناترسین.
