لێژنەکانی خۆڕاگریی فەلەستین، کردەی دوژمنکارانەی واشنگتۆن سەبارەت بە دەرکرانی سکاڵانامە دژ بە رێبەرانی خۆڕاگریی ئیسلامیی فەلەستین (حەماس) یان لەبەر جێبەجێکردنی هەڵمەتی باهۆزی ئەقسا، ئیدانە کرد.

لیژنەکانی خۆڕاگریی فەلەستین لە بەیاننامەیەکدا رایانگەیاند، هێنانەئارای داوای سزا و سکاڵای حکومەتی ئەمریکا دژ بە یەحیا سنوار، سەرۆکی مەکتەب سیاسیی بزووتنەوەی حەماس و ژمارێکی دیکە لە ڕێبەرانی فەلەستین بەتوندی ئیدانە دەکا. لەو بەیاننامەدا هەروەها هاتووە: هێنانەئارای سکاڵانامەی حکومەتی ئەمریکا بەدژ یەحیا سنوار و برادەرەکانی، لەسەر کۆمەڵە دەسدرێژکارییەکانی ویلایەتە یەکگرتووەکان بەدژ گەلی فەلەستین و خۆڕاگریی ئەوان زیاد دەکرێ کە ماوەی یازدە مانگە بەهاوبەشیی چالاکانە لە شەڕی ژینۆسایددا کە هەموو گرووپ ولایەنە فەلەستینیەکانی کردۆتە ئامانج، درێژەی هەیە.

لەو بەیاننامەدا جەخت کراوە : سکاڵانامەی تازەی ئەمریکا پێشاندەری ئەوەیە کە حکومەتی ئەمریکا بەشێوەیەکی بێ سنور داکۆکی لە رژیمی زایۆنیستی دەکاو هەموو هەوڵی خستووەتەگەڕ بۆ بەرەنگاربوونەوەی گەلی فەلەستین و ڕێبەرانی ئەو گەلە ستەملێکراوە.