SAHAR

وەزارەتی تەندروستیی فەلەستین لە کەرتی غەززە ڕایگەیاند کە ژماری شەهیدانی پەلامارەکانی سوپای رژیمی زایۆنیستی بۆسەر کەرتی غەززە، گەیشتووەتە ٤١ هەزار و ٩٠٩ کەس.

وەزارەتی تەندروستیی فەلەستین لە کەرتی غەززە ڕایگەیاند کە لە ٢٤ کاتژمێری ڕابردوو، سوپای رژیمی زایۆنیستی چوار جەنایەت و کوشتاری لە کەرتی غەززە ئەنجام داوە. پەلامارەکانی چەند کاتژمێر لەمەوبەری سوپای رژیمی زایۆنی بۆسەر کەرتی غەززە، شەهیدبوونی ٣٩ کەس وبرینداربوونی١٣ کەسی بەدواوە بووە. بەم حاڵەش، هەروا شەڕی هێزە خۆڕاگرەکان لەگەڵ رژیمی زایۆنی بەردەوامە.

ئەمڕۆش هیزەکانی قەسام لقی سەربازیی حەماس، تەلاویڤیان مووشەکباران کرد. سەرایا ئەلقودس لقی سەربایی جەهادی ئیسلامیی فەلەستینیش ڕایگەیاند کە تانکێکی سوپای رژیمی زایۆنیستی لە جۆری مێرکاوای لەباکوری غەززە بەمووشەکی تاندوم کردۆتە ئامانج.