SAHAR

وەزارەتی تەندرووستیی فەلەستین لە کەرتی غەززە ئەمڕۆ پێنجشەممە باسی گەیشتنی ژماری شەهیدانی شەڕی ١٣ مانگەی ڕژێمی زایۆنی دژ بەم ناوچەیەی بە ٤٣ هەزار و ٤٦٩ کەس کرد.

لە بەیاننامەی وەزارەتی تەندرووستیی فەلەستین لە کەرتی غەززە کە لە ٣٩٨ـەمین ڕۆژی شەڕدا بڵاو کرایەوە، هاتووە: سوپای ڕژێمی زایۆنی لە ماوەی ٤٨ کاتژمێری ڕابردوودا شەش جەنایەتی لە کەرتی غەززە ئەنجام داوە کە بە هۆی ئەو جەنایەتانەوە، ٧٨ فەلەستینی شەهید بوونە و ٢١٤ کەسیش بریندار.

لەم بەیاننامەیەدا هاتووە: بە هێنانەئەژماری ئەم شەهیدانە و بریندارەکانیش، لە دەسپێکی شەڕی ڕژێمی زایۆنی دژ بە کەرتی غەززە لە ٧ی ئۆکتۆبەری ٢٠٢٣ـەوە (١٥ی ڕەزبەی ١٤٠٢)، چل و سێ هەزار و ٤٦٩ فەلەستینی شەهید بوونە و ١٠٢ هەزار و ٥٦١ فەلەستینیی دیکەیش بریندار.