شەهید بوونی 59 فەلەستینی دیکە لە کەرتی غەززە لە 24 کاتژمێری ڕابردوودا
وەزارەتی تەندروستی فەلەستین باسی زیاد بوونی ژوماری شەهیدانی پەلامارەکانی ڕژێمی زایونی کرد لە کەرتی غەزە و ڕایگەیاند 59 فەلەستینی دیکە لە 24 کاتژمێری ڕابردوودا لە کەرتی غەزە شەهید بوونە
وەزارەتی تەندروستی فەلەستین لە کەرتی غەزە ئەمڕۆ ڕایگەیاند : لە 24 کاتژمێری ڕابردوو 59 کەسی دیکە لە پەلامارەکانی ڕژێمی زایونیدا بۆ سەر کەرتی غەزە شەهید کراون و 208 کەسی دیکەش بریندار بوونە . ژوماری شەهیدانی غەزە لە حەوتی ئوکتوبری 2023وە تا ئێستا گەیشتووەتە 57 هەزار و 882 کەس . وتەبێژی یونیسفیش ڕایگەیاند کە ڕوژانە 27 منداڵ لە کەرتی غەزە گیانی خۆِیان لە دەسداوە . کازم ئەبوخەلف وتی زیاتر لە 5 هەزار منداڵ لە کەرتی غەزە تەنیا لە مانگی مایدا تا ئێستا تووشی بەد خوراکی بوونە . هاوکات لقی سەربازی بزووتنەوەی خۆڕاگری ئیسلامی حەماس لە چەن بەیاننامەی جیاجیادا باسی لەناو چوونی کەرەستەی جەنگی ئەرتەشی زایونیان کرد لە شاری غەزە . بە پێی بەیاننامەکە ی لقی سەربازی حەماس ، هێزەکانی قەسام دوو بوڵدێزێری سەربازی لە جۆری دی 9ی ڕژێمی زایونیان بە کەڵک وەرگرتن لە بومبگەلی بەهێز لەناو برد . خەباتگێڕانی قەسام هەروەها لە ئوپڕاسیونێکی دیکەدا تانکێکی مێرکاوای ڕژێمی زایونیان لە هەمان ناوچەدا کردە ئامانج و لەناویان برد . لقی سەربازی حەماس لە درێژەی ئوپڕاسیونە سەرکەوتووانەکانی خویدا دەزگەیەکی هەڵکەندنی سەربازی ڕژێمی زایونیان لە ڕوژهەڵاتی گەڕەکی زەیتون لەناو برد
