وتەبێژی فریاگوزاری غەززە وتی : خێوەتەکان لە کەرتی غەززە بە تەواوی بێ کەڵک بوونە و بەرگەی سەرما و باران ناگرن .

مەحمود بەسەل، وتەبێژی فریاگوزاری غەززە ڕایگەیاند: خێوەتەکان  لە کەرتی غەززە بەتەواوی  بێ کەڵک بوون و بەشێوەی پێویست بەرگەی سەرما و باران ناگرن و لەم بارودۆخە سەختەی ئێستادا ئیتر وەک چارەسەرێکی مرۆیی جێی متمانە نین. ناوبراو خوازیاری دەستپێکردنی خێرای پڕۆسەی ئاوەدانکردنەوە و دابینکردنی شوێنی نیشتەجێبوونی هێمن  بوو لە پێناو پاراستنی کەرامەتی مرۆیی فەلەستینییەکان و پاراستنی گیانی فەلەستینییەکان. لە هەمان کاتدا وەزارەتی تەندروستیی فەلەستین لە کەرتی غەززە ڕایگەیاند کە ژمارەی شەهیدانی هێرشەکانی سوپای  ڕژێمی زایونی بۆ سەر کەرتی غەززە گەیشتووەتە ٧١ هەزار و ٢٦٦ کەس و بریندارەکانیش ژومارەیان گەیشتووەتە ١٧١ هەزار و ٢٢٢ کەس .