سکرتێری گشتیی ئاژانسی نێودەوڵەتیی وزەی ئەتۆمی دوای گەڕانەوە لە تاران گوتی ، دانوستانی باشمان لە ئێران ھەبووە .

سەردانەی رافائێل گرۆسی لە کاتێک دا ئەنجام بوو کە دانوستانەکانی ھەڵوەشانی بایکۆتەکان لە ڤیەنا لە نێوان ئێران و ئەندامانی 1+4 درێژەی ھەیە و بابەتەکانی کۆنتڕۆڵ و چاودێریی و یەکلاکردنەوەی پرسە بەجێماوەکانی نێوان ئێران و ئاژانس لە چێوارچێوەی رێککەوتنی ناڤۆکی لە دوایین بابەتەکانە کە لایەنەکان بۆ یەکلاکردنەوەی لە ھەوڵدان .

ئاژانسی نێودەوڵەتیی وزەی ئەتۆمی لە ژێر فشاری لایەنە رۆژاواییەکان و رژێمی زایۆنی ھەندێ بانگەشەی لە بارەی چالاکیی رانەگێنراوی ناڤۆکیی لە ئێران خستووەتەڕوو کە ئەم بانگەشانە لە گەڵ پێشینەی ھاریکاریی ئێران و ئاژانسی نێودەوڵەتیی وزەی ئەتۆمی یەک ناگرێتەوە ، چونکە پرۆسەی ھاریکاریەکانی ئێران و ئاژانسی نێودەوڵەتیی وزەی ئەتۆمی ھەمیشە ئەرێنی بووە و ئێرانیش ھەمیشە جەختی کردووەتەوە ئەم ھاریکاریە نابێ بکەوێتە ژێر کارتێکەریی سیاسیی .

لە ھەمان کات دا تیمی دانوستانکاری ئێران بە سەرۆکایەتی عەلی باقریی کەنی شێلگێرانە بۆ گەیشتن بە رێککەوتنی دواجار ھەڵوێستی خۆی دەربڕیوە و جەختی کردووەتەوە گەیشتن بە رێککەوتنی دواجار ، پێویستیی بە لەبەرچاوگرتنی بە تەواوەتیی ھێڵە سوورەکانی ئێرانە .

ئێستا رێککەوتنی دواجار چاوەڕوانی گرتنەبەری بڕیاری سیاسیی لایەنە رۆژاواییەکان لەوان ئەمریکایە و ئەوە لە بارودۆخێک دایە کە رێککەوتنی ئەم دواییانەی ئێران و ئاژانسی نێودەوڵەتیی وزەی ئەتۆمی نەخشە رێگایەکی بۆ یەکلاکردنەوەی ناکۆکیەکانی نێوان دوو لایەن ئامادە کردووە کە دەتوانێ ئاڕاستەی گەیشتن بە رێککەوتن لە ڤیەناش خۆش بکات .