ھەندێ سەرچاوە باسی تێکھەڵچوونی توندی نێوان ئەندامانی ئەنجومەنی ئینتیقالیی ( ھاوڕەوتی ئیمارات ) لە گەڵ بەکرێگیراوانی سەر بە حکومەتی وازلەکارھێناوی مەنسوور ھادی ( سەر بە ریاز ) دەکەن لە پارێزگەی ئەبین لە باشووری یەمەن .

بە پێی راپۆرتی ئەلمەیادین ، لێکدانی دوو لایەن لە سەرلەبەیانیی ئەمڕۆ یەکشەممەوە لە دەوربەری شاری جعر لە رۆژھخڵاتی پارێزگەی ئەبین روویداوە و ھێزەکانی سەر بە مەنسوور ھادی توانیویانە چەندین بنکەی سەر بە ئەنجومەنی ئینتقالیی باشوور بخەنە ژێر رکێف . 

بە وتەی ئەم سەرچاوانە ، لەم تێکھەڵچونانەدا 15 کەس لە بەکرێگیراوانی ئەنجوومەنی ئینتقالیی کەوتوونە دەست کەسانی سەر بە حکومەتی واز لە کارھێناوی مەنسوور ھادی و 10 ئۆتۆمبێلێیش بوونە دەسکەوتی شەڕ . 

شەڕ و لێکدان لە ئەبینی یەمەن ، دوای 25 ی نیسان و بە دوای راگێندرانی خودموختاریی ئەنجومەنی ئینتقالیی باشوور توند بووە .