وەزیری تەندروستیی یەمەن وشداری دا ، بێتوو هاوپەیمانیی دەسدرێژکاری سعودی پێشگیریەکانی خۆی لە هاتنی نەوتبەرەکان بۆ بەندەرەکانی ئەم وڵاتە بەردەوام بکات، نەخۆشخانەکانی یەمەن دەبنە گۆڕستانی نەخۆشەکان .

تەها موتەوەکیل ڕۆژی هەینی وتی: ڕاگرتنی سێ کارگەی بەرهەم هێنانی ئۆکسیژن بە هۆی کەمبوونی سوتەمەنی ، زەنگی مەترسی بەرزکردوەتەوە وئەم کێشەیە ،  هەزاران نەخۆش لە بەشە تایبەتیەکانی چاوەدێری لە نەخۆشخانەکان وناوەندەکانی تەندروستی ودەرمانی لەگەڵ مردن ڕووبەڕوو کردوەتەوە.

موتەوکیل هەروەها بە دەربڕینی نیگەرانی لە ڕاگیرانی چالاکی بەشە تایبەتیەکان،  ئێمێرجێنسی  وهەروەها بەشەکانی تاقیکاری بە هۆی بڕانی کارەبا ڕایگەیاند: نەبوونی سوتەمەنی پیویست ، هەوڵەکان بۆ بەرەنگاربوونەوەی ڤایرۆسی کۆڕۆنا لە بەشەکانی کەرەنتینەی پارێزگا جۆربەجۆرەکان ناکام دەکات .