ئەنساروڵڵا : پەلامارەکانی سەر عەرەبستان درێژەیان دەبێ
وتەبێژی بزووتنەوی ئەنساروڵڵای یەمەن جەختی کردەوە : تا کاتێک کە پەلامارەکانی ھاوپەیمانیی سعودی بۆسەر یەمەن بەردەوامبێ ، ھێزە چەکدارەکان درێژە ئەدەن بە پەلامارەکانی خۆیان بۆسەر عەرەبستان .
بە پێی راپۆرتی سۆتنیک ، محەمەد عەبدوسەلام وتەبێژی بزوتنەوەی ئەنساروڵڵای یەمەن گوتی ، دەربڕینی نیگەرانی و ھەوڵی سەرانی سعودی بۆ کڕینی چەکی پێشکەوتووتر دوای ھەر وڵامێکی سەربازیی ھێزە یەمەنیەکان نیشانەی کاریگەربوونی ھەڵمەتی پێشپێگرانەی ھێزە چەکدارەکانی یەمەنە .
عەبدوسەلام لە کۆمەڵی نیودەوڵەتیی ویست دەسدرێژکارانی سعودی بۆ راگرتنی دەستدێرژی و گەمارۆی یەمەن بخاتە ژێر گوشار .
یەحیا سەریع وتەبێژی ھێزەچەکدارەکانی یەمەن سەرلەبەیانیی دوشەممە رایگەیاند وێستگەی دابەشینی نەوتی ئارامکۆی عەرەبستانیان لە شاری جەددە بە موشەک پێکاوە و ئەم ھەڵمەتە لە وڵامی دەستدرێژی و گەمارۆی سەر یەمەن ئەنجام بووە .
