«شێخ موحەممەد بن ڕاشد ئالی مەکتوم» سەرۆک وەزیرانی ئیمارات شەوی یەکشەممە ئاماژەی کردە دیدارەکەی ڕۆژی شەممەی لەگەڵ «حسەین ئەمیر عەبدوڵڵاھییان» وەزیری دەرەوەی ئێران و لە پۆستە تازەکەی دا ئاواتی سەرکەوتنی بۆ خواست.

بە پێی ڕاپۆرتی ئیرنا، «شێخ موحەممەد بن ڕاشد ئالی مەکتوم» سەرۆک وەزیرانی ئیمارات لە ھەژمارە فەرمییەکەی لە توییتێردا نووسی: ڕۆژی شەممە لە پەراوێزی کۆبوونەوەوەکانی ھاوکاریی بەغدا، چاوم بە «حسەین ئەمیر عەبدوڵڵاھییان» وەزیری دەرەوەی تازەی ئێران کەوت.

دەستەڵاتداری دویەی نوسیشی: لە ئەرکە تازەکەی لە ئاراستەی گەشەی پەیوەندییە ئەرێنییەکان لەگەڵ وڵاتانی دراوسێ و پتەوکردنەوەی پەیوەندییەکان لە سەر بنەمای حیکمەت و بەرژەوەندیی گەلان، ئاواتی سەرکەوتنی بۆ دەخوازم.

«شێخ موحەممەد» لە کۆتایی توییتەکەی دا نووسیویەتی: درودی ھەمیشەییمان بۆ گەلی ئێران کە دراوسێ و دۆستمانن.