وەزیری بەرگری پاکستان پشتیوانی تەواوی وڵاتەکەی لە کۆماری ئیسلامی ئێران لەدژی ڕژێمی زایۆنیستی ڕاگەیاند.

  خواجە ئاسێف وەزیری بەرگری پاکستان لە وتارەکەیدا لە دانیشتنی ئەنجوومەنی نیشتمانیی پاکستان، " وتی:  ئێستاکە  شەڕی نێوان ئێران و ڕژێمی زایونی  بەردەوامە. ناوبراو  وتیشی : ئێران وڵاتی دراوسێمانە کە چەندین سەدە پەیوەندیی باشمان لەگەڵدا هەبووە، ئێستاش پەیوەندییەکی باش و مێژووییمان لەگەڵ ئێران هەیە، لەم قەیرانەدا بە هەموو شێوەیەک لە پاڵ  ئێراندا دەبین . سەردار فەتحوڵڵا خان میان خێڵ، سەرۆکی کۆمیسیۆنی بەرگریی مەجلیسی نیشتمانی پاکستانیش  هاوپشتی  خۆی لە کۆماری ئیسلامیی ئێران  ڕاگەیاند  و هێرشە تیرۆریستییەکانی ڕژیمی زایۆنیستی شەرمەزار کرد و وتی: وەڵامدانەوەی دەستدرێژیەکەی ڕژێمی زایونی مافی ڕەوای ئێرانە.