هەڵوێستی مەسعوود بارزانی لەبارەی دەستلەکارکێشانەوەی نوێنەرانی ڕەوتی سەدر
حوزه‌یران 13, 2022 16:10 Asia/Tehran
سەرۆکی پارتی دیموکراتی کوردستان ڕایگەیاند ڕێز لە بڕیارەکەی سەدر دەگرن لەبارەی دەستلەکارکێشانەوەی نوێنەرەکانیان لە پەرلەمانی عێراق.
مەسعوود بارزانی، سەرۆکی پارتی دیموکراتی کوردستان ئەمڕۆ دووشەممە 13ـی 06ـی 2022 سەبارەت بە بڕیارەکەی ڕێبەری ڕەوتی سەدر و دەستلەکارکێشانەوەی نوێنەرانیان لە پەرلەمانی عێراق لە تویتێکدا نووسیویەتی کە ڕێز لە بڕیارەکەی سەدر دەگرن.
ناوبراو هەروەها لە درێژەی پەیامەکەی نووسیویەتی "چاودێری بەرەپێشچوونەکانی داهاتوو دەکەین."
محەمەد حەڵبوسی سەرۆکی پەرلەمانی عێراق رایگەیاند سەرباری ئەوەی کە لە گەڵ بڕیارەکەدا نەبووە ، بەڵام لە گەڵ کشانەوەی بە کۆمەڵی نوێنەرانی رەوتی سەدر رەزامەندیی نیشانداوە .
