SAHAR

کاتی بڵاوبوونەوە: 11:30

1-

ئێران ڕەتیدەکاتەوە دەستوەردان لەسووریا بکات

وتەبێژی وەزارەتی دەرەوەی ئێران وێڕای ئاماژە بە ناڕەزایەتی جەماوەریی لەبەر بێڕێزیکران بە پیرۆزگەکانی پێکهاتەی عەلەویی ، رەتی کردەوە کە ئێران دەست وەربداتە کارووباری نێوخۆیی سووریا

2-

درێژەی کۆمەڵکوژیی لە غەزە

لە تازەترین تاوانکاریی رژێمی زایۆنیدا ، سوپای ئەو رژێمە ١٣ فەلەستینی دیکە ، بریتی لە ژن و منداڵی لە کەرتی غەزە کوشتووە  و بەدەیان کەسی تریشی بریندار کردووە

 3-

کشانەوەی سوپای تێڕۆر لە لوبنان

سوپای لوبنان: هێزەکانی سوپای رژێمی زایۆنیی چووبوونە نێو خاکی باشووری لوبنانەوە بەڵام بە هۆی گوشاری هێزەکانی یونیڤێڵ و چاودێرانی ئاگربەس، ناچاربوون پاشەکشە بکەن

4-

رژێمی زایۆنیی دەبێ چاوەڕیی وەڵامی یەمەن بێت

لەدوای هێرشی سوپای رژێمی زایۆنیی بۆسەر دامەزراوە نەوتییەکان و ژێرخان و وێستگەکانی کارەبا و فڕۆکەخانەی سەنعا ، ئەنساڕوڵڵای یەمەن رایگەیاند دوژمنی زایۆنیست ئێستا دەبێ چاوەڕیی وەڵامی توندی یەمەن بێت

5-

هێرشی موشەکیی یەمەن بۆسەر تەلاڤیڤ

یەمەن بە موشەکی بالستیکیی هێرشی کردەسەر تەلاڤیڤ و ١٨ شارۆچکەنشین لەکاتی هەڵاتن بۆ حەشارگەکان، بریندار بوون

6-

نیگەرانیی نەتەوەیەکگرتووەکان لە هێرش بۆسەر یەمەن

وتەبێژی نەتەوەیەکگرتووەکان وێڕای ئیدانەکردنی هێرشی رژێمی زایۆنیی بۆسەر یەمەن ، نیگەرانیی لە درێژەی رەوشی ئاڵۆزی ئێستا دەربڕی و خوازیاری دانبەخۆداگرتنی لایەنەکان بوو

7-

دابینی ٩٩%ی چەک و چۆڵی رژێمی زایۆنی لەلایەن ئاڵمان و ئەمریکا

راپۆڕتەری تایبەتیی نەتەوەیەکگرتووەکان لەبواری مافی مرۆڤ  و بەرەنگاربوونەوەی تێڕۆریزم : ئاڵمان و ئەمریکا٩٩% ی چەک و چۆڵی رژێمی زایۆنیی دابین دەکەن و دەشێ بەدواداچوونی یاسایی بەدژیان بکرێت

8-

 ژیان لە هەولێر وەکو ئەوە وایە رۆژانە دوو پاکەت جگەرە بکێشیت

مەعرووف مەجید سەرۆکی رێکخراوی ئایندە بۆ پاراستنی ژینگە لە هەرێمی کوردستان : هەولێر دووەم پیسترین شاری عێراق و یەکەمی هەرێمی کوردستانە و بەپێی توێژینەوەیەک، وەکوو ئەوە وایە کە رۆژانە هەر تاکێکی شاری هەولێر دوو پاکەت جگەرە بکێشێت