بە هۆی پەلاماری تۆپخانەیی سوپای سوریا بۆسەر تیرۆریستەکان لە پارێزگەی حومس، ژومارێک لە تیرۆریستان کوژران یان بریندار بوون .

بەپێی ڕاپۆرتی ڕۆژی یەکشەممەی  کەناڵی تەلەفزیۆنیی ئەلعالەم، لەم پەلامارە دا کە لە ناوچەی غەنتو لەباکووری پارێزگەی  حومس ڕووی داوە، حەشارگەی  تاقمی تیرۆریستیی  بەرەی نوسرە  بە تەواوی تێک ڕووخاوە  .

هەروەها هێزی سوپای سوریا، پەلاماری تاقمی تیرۆریستی لە دەورووبەری دەیروزووریان پووچەڵ کردەوە و ژومارێک لە ئەندامانی  ئەوانیان کوشت.

سوریا نیزیکەی  حەوت ساڵە  بە ئامادەبوونی تاقمە چەکدار و تیرۆریستییەکان وەک داعش و بەرەی نوسرە کەلەلایەن ڕۆژاواو ژومارێک وڵاتی ناوچە داکۆکییان لێدەکرێت بەرەوڕووی قەیرانە.

بەپێشڕەوی سوپاو هێزی خۆڕاگری  ، سوریا دوای ساڵەهای ساڵ پاوەجێیی لەسەرووبەندی سەرکەوتنی تۆکمەوتەواو لەبەرامبەر  تیرۆریزم دایە.