ئەرکانی سوپای تورکیا بەبڵاوکردنەوەی بەیاننامەیەک ڕایگەیاند؛ ژماری قوربانیانی میلیشیا کوردە نەیارەکانی تورکیا لە باکووری سووریا بۆ٩٤٧کەس زیادی کردووە.

بەپێی ڕاپۆری ئاژانسی هەواڵیی ڕادیۆ وتەلەفزیۆن، سوپای تورکیا ئەمڕۆ دووشەممە ڕایگەیاند: لە شانزەهەمین رۆژی ئۆپراسیۆنی چڵە زەیتوون لەناوچەی عەفرین لەباکووری رۆژاوای سووریا ١٥ کەس لە ئەندامانی گرووپە نەیارەکانی تورکیاو تیرۆریستانی داعش کوژراون. بەم چەشنە ژماری کوژراوان و بریندارانی ئەو گرووپانە لەو ماوەدا بۆ٩٤٧کەس زیادی کرد.

ئەوە لەکاتێکدایە کە تورکیا ژماری کوژراوانی هێزەکانی سوپای ئەو وڵاتە لە هێرشەکانی بۆسەر باکووری سووریای١٦کەس و ژماری بریندارانی زیاتر لە٦٠کەس ڕاگەیاند. ئەو هەژمارە بێجگە لە کوژراوانی لایەنگری تورکیا ناسراو بە سوپای ئازادی سووریایە. کوژراو و برینداری ئەو هێزانە نزیک بە٣٠٠کەس ڕاگەیێندراوە.

لەهەمان کاتدا، بینالی یێڵدریم سەرۆک وەزیرانی تورکیا ڕایگەیاند: لەدەسپێکی هێرشەکانی ناسراو بە چڵە زەیتوون لە عەفرین هەتاکوو ئێستا، حەوت کەسی سیڤیلی ئەو وڵاتە کوژراون ولانیکەم١١٣کەسی دیکە لە پارێزگا باشوورییەکانی هاتای و کیلیس بریندار بوون.

ئەوە لەکاتێکدایە کە سەرچاوە کوردییە سوورییەکان ئاماری قوربانیانی مەدەنیی لەو پەلامار و دەسدرێژییانەی ئەم دواییەی تورکیایان بەسەدان کەس ڕاگەیاندووە.