فڕۆکەخانەی سەربازیی تەیفور لە پارێزگای حۆمسی سووریا، مووشەکباران کرا.

بەپێی ڕاپۆری هەواڵدەریی فەرمیی سووریا(سانا)؛ سەرچاوەیەکی سەربازیی سووری لەبارەی ئەو پەلامارە مووشەکییە، وتی: سیستەمە دژە مووشەکییەکانی سوپای سووریا ، مووشەکە تێگیراوەکان لە فڕۆکەخانەی تەیفوریان بەرپەرچ دایەوەو هەشت مووشەک لەو مووشەکانەیان پێکا.

ناوبراو وتیشی: لەو پەلامارە مووشەکییە ژمارێک کەس کوژراون و بریندار بوون.

ژمارێک میدیاش باس لە تێپەڕینی ئەو مووشەکانە بەسەر ئاسمانی لوبناندا دەکەن.

فڕۆکەخانەی سەربازیی تەیفور(T4) لەپارێزگای حۆمسی سووریا لەڕۆژاوای شاری تەدمور و ١٠٠کیلۆمیتریی رۆژهەڵاتی شاری حۆمس هەڵکەوتووە.

ئەو فڕۆکەخانەیە، خاوەن پەنجاو چوارشوێنی ڕاگرتنە بۆ چەشنی جۆراوجۆری فڕۆکە شەڕکەر و کۆپتەرە سەربازییەکان و هەروەها دوو باندی فڕینیشی هەیە.

ئەو فڕۆکەخانەیە ماوەیەک لەمەوبەر کەوتبووە بەرپەلاماری فڕۆکە جەنگییەکانی رژیمی زایۆنیستی.